|
Í nýjasta þætt Víðsvegar á RÁS 1 var sjónum beint að fjöruferðum og rannsóknum á þörungum við Íslandsstrendur. Farið var í vettvangsferð með þátttakendum á þörunganámskeiði sem haldið var um miðjan apríl á vegum Hafrannsóknastofnunar. Námskeiðið var ætlað fagfólki sem starfar við vöktun og rannsóknir í fjörum og grunnsævi víða um land. Hlustendur fá að kynnast Karli Gunnarssyni, helsta þörungasérfræðingi Íslands og einum kennara námskeiðsins, sem starfað hefur við rannsóknir á þörungum hér við land í yfir 50 ár. Í þættinum er auk þess rætt við nokkra sérfræðinga sem taka þátt í slíkum rannsóknum, þar á meðal Sindri Gíslason, forstöðumann Náttúrustofu Suðvesturlands. Þátturinn veitir innsýn í mikilvægi þörungarannsókna og vöktunar á lífríki fjörunnar, sem gegnir lykilhlutverki í að fylgjast með breytingum í íslenskum strandsvæðum. Hlusta má á þáttinn með því að smella á myndina hér að neðan: 
0 Comments
Ársskýrsla Náttúrustofu Suðvesturlands 2025 er nú komin út. Í skýrslunni gefur að líta fjölbreytta starfsemi stofunnar á liðnu ári. Áhugasamir geta nálgast skýrsluna með því að smella á myndina hér að neðan.  Starfsfólk Náttúrustofu Suðvesturlands sótti vel heppnað námskeið í greiningu botnþörunga dagana 15.-18. apríl sem var í senn gagnlegt og fróðlegt. Leiðbeinendur námskeiðsins voru ekki af verri endanum, þau dr. Karl Gunnarsson sérfræðingur á Hafrannsóknastofnun og prófessor Juliet Brodie sem starfar á Natural History Museum í London. Samstarf þeirra spannar yfir 20 ár og saman búa þau yfir 90 ára reynslu af rannsóknum á botnþörungum. Þess má geta að Juliet hefur á ferli sínum skrifað fjölda bóka til greiningar á botnþörungum og voru nokkrar þeirra einmitt nýttar á námskeiðinu. Nánari upplýsingar um námskeiðið má finna HÉR á vefsíðu Hafró.  |
Náttúrustofa SuðvesturlandsFréttir af daglegri starfsemi stofunnar Archives
May 2026
Categories |
RSS Feed
