Árstíðabreytingar á ífánu algengra vistgerða í fjöru

Verkefnið snýr að árstíðabundnum breytileika í smádýrafánu fjara og er um grunnrannsóknir á fjörusvæðum á Reykjanesskaga og kortlagning vistfræðilegra þátta fjaranna að ræða. Mánaðarlegar sýnatökur fóru fram sex stöðum í Sandgerði, bæði í set- og þangfjörum og stóðu yfir í tvö ár. Dýr í sýnum voru greind og talin og hluti þeirra stærðarmældur. Þessar upplýsingar má síðan nota til þess að meta breytileika í stofnstærð eftir árstíðum og hvenær nýliðun er að eiga sér stað. Því er nauðsynlegt að meta hvaða svæði og hvaða lífverur eru í lykilhlutverki fyrir áframhaldandi rannsóknir, framkvæmdir og verndaráætlanir. Verkefnið hófst árið 2013 og er hluti tveggja meistaraverkefna líffræðinga, þeirra Sunnu Bjarkar Ragnarsdóttur starfsmanni Náttúrustofunnar og Sölva Rúnars Vignissonar starfsmanni Þekkingaseturs Suðurnesja. Nálgast má ritgerðirnar með því að smella á þær hér að neðan:

---

Náttúrustofa Suðvesturlands ● Garðvegi 1 ● 245 Suðurnesjabæ ● Sími: 423 7458 ● Netfang: [email protected]