|
Fiðrildaveiðar eru nú hafnar hjá okkur þetta árið og munu standa yfir næstu 32 vikurnar. Náttúrustofan hefur frá árinu 2016 staðið að vöktun fiðrilda í Norðurkoti. Vöktun fiðrilda hófst fyrst hér á landi árið 1995 fyrir tilstilli Náttúrufræðistofnunar Íslands. Náttúrustofur landshlutanna, allar nema ein, hafa hver af annarri gerst þátttakendur í verkefninu í náinni samvinnu við Náttúrufræðistofnun með samstilltum aðgerðum. Fyrsta vitjun okkar var í gildruna var í gær og þar beið okkar þessi myndarlega garðygla. Áhugavert verður að fylgjast með framhaldinu. En þess má geta að frá upphafi verkefnisins hafa alls fundist 39 tegundir fiðrilda og 3 tegundir vorfluga í Norðurkoti. 
0 Comments
Nú fara fram vortalningar á körrum um land allt. Þessi árstími hentar einkar vel því á vorin eru karrar mjög áberandi, tylla sér á háa staði, hreykja sér hátt og verja sín óðul. Út frá þessum talningum er stofnvísitala rjúpnastofnsins metin. Árlega eru gengin ákveðin snið á varpsvæðum rjúpunnar og þannig er hægt að meta breytileika milli ára í stofnvistfræði hennar. Í dag fóru starfsmenn Náttúrustofunnar og Þekkingarsetursins í talningar á Reykjanesi venju samkvæmt. Að verkefninu koma fjölmargir aðilar á landsvísu en um samvinnuverkefni er að ræða og hefur Náttúrufræðistofnun Íslands yfirumsjón með verkefninu. |
Náttúrustofa SuðvesturlandsFréttir af daglegri starfsemi stofunnar Archives
October 2024
Categories |
RSS Feed
