Grein um grjótkrabba birtist í vísindariti ICES JMS

Greinin Population dynamics of three brachyuran crab species (Decapoda) in Icelandic waters: impact of recent colonization of the Atlantic rock crab (Cancer irroratus) er nú komin út í hinu virta vísindariti ICES Journal of Marine Science.  Náttúrustofa Suðvesturlands, Háskóli  Íslands og Hafrannsóknastofnun unnu að greininni.      

Rannsóknir spannar þróun landnáms grjótkrabba hér við land sl. 13 ár, eða allt frá því krabbinn fannst fyrst hér við land. Töluverðar breytingar hafa orðið á þeim árum sem vöktunin spannar en fágætt er á heimsvísu að náðst hafi að rannsaka og fylgja landnámi framandi tegundar í sjó svo náið frá upphafi, er því um einstakt og verðmætt rannsóknarverkefni að ræða og mikilvægt að vöktunin haldi áfram.   

Grjótkrabbinn fannst, eins og kunnugt er orðið, fyrst í Hvalfirði árið 2006. Útbreiðsla hans um grunnsævi Íslands hefur verið með eindæmum hröð og spannar hún nú yfir 70% af strandlengjunni, frá Faxaflóa réttsælis umhverfis landið allt austur á firði. Vöktun krabbans á föstum sniðum í Faxaflóa hefur sýnt stöðuga aukningu hans í aflahlutdeild, á kostnað bogkrabba og trjónukrabba, en aukningin var t.d. komin upp í 95% í Hvalfirði árið 2019.

Greinin er aðgengileg með því að smella á myndina hér að neðan:

---