Líffræðiráðstefnan 2021

Líffræðiráðstefnan var haldin dagana 14. – 16. október 2021 í Öskju og Íslenskri Erfðagreiningu. Líffræðiráðstefnan er stærsti viðburður sinnar tegundar hérlendis og var þetta í 10. sinn sem hún var haldin. Á ráðstefnunni koma saman flestallir vísindamenn á sviði líffræðinnar og fulltrúar nær allra stofnana og fyrirtækja sem tengjast lífvísindaheiminum á Íslandi. Ráðstefnan var sem endranær opin almennu áhugafólki um líffræði.

Náttúrustofan Suðvesturlands lét ekki sitt eftir liggja og var með þrjú framlög á formi erinda:

• Nýr landnemi meðal lindýra; Sindraskel (Ensis terranovensis, Vierna & Martínez-Lage, 2012) finnst við Suðvesturland  [Karl Gunnarsson flutti]
• Towards the management of an invasive tunicate  [Joana Micael flutti]
• High occurrence of shell disease in the non-indigenous Atlantic rock crab (Cancer irroratus) in Iceland  [Sindri Gíslason flutti]

Heiðursverðlaun Líffræðifélagsins í ár hlutu þeir Sindri Gíslason og Sigurður Sveinn Snorrason, prófessor emeritus. Að því tilefni flutti hvor um sig erindi um rannsóknir á ferli sínum.