Líffræðiráðstefnan 2023

Líffræðiráðstefnan var haldin dagana 12. – 14. október 2023 í Öskju og Íslenskri Erfðagreiningu. Líffræðiráðstefnan er stærsti viðburður sinnar tegundar hérlendis og var þetta í 11. sinn sem hún var haldin. Á ráðstefnunni kemur jafnan meginþorri vísindamanna á sviði líffræðinnar og fulltrúar nær allra stofnana og fyrirtækja sem tengjast lífvísindaheiminum á Íslandi. Ráðstefnan var sem endranær opin almennu áhugafólki um líffræði.

Náttúrustofan lét ekki sitt eftir liggja og var með fimm framlög að þessu sinni, tvö erindi og þrjú veggspjöld:
Erindi:

• Non-indigenous species and the marine aquarium trade in Iceland  [Joana Micael flutti]
• A new mollusc in town: Ensis terranovensis invades Iceland  [Sindri Gíslason flutti]

Veggspjöld:

• Ný tegund í Atlantshafi  - svartserkur Melanochlamys diomedea (Berg , 1984)
• Vöktun bjargfuglastofna á Íslandi 2009 til 2022
• Eru íslenskar hafnir mengaðar?

Starfsfólk stofunnar studdi einnig við undirbúning ráðstefnunnar, Joana Micael var í vísindanefnd Líffræðiráðstefnunnar og Sindri Gíslason í Heiðursviðurkenningarnefnd.